AZ EN

Koreya Beynəlxalq Əməkdaşlıq Agentliyi (KOICA)

  • Ana səhifə
  • Koreya Beynəlxalq Əməkdaşlıq Agentliyi (KOICA)

                                                                                         

                      

Koreya Beynəlxalq Əməkdaşlıq Agentliyi (KOICA) Koreya Respublikasının rəsmi inkişaf yardımı (Official Development Assistance – ODA) proqramlarını həyata keçirən dövlət qurumudur. 1991-ci il aprelin 1-də təsis edilmiş, baş ofisi Seul şəhərində yerləşir. Agentliyin əsas məqsədi inkişaf etməkdə olan ölkələrin iqtisadi və sosial inkişafına dəstək göstərmək, yoxsulluğun azaldılmasına töhfə vermək, eləcə də Koreyanın inkişaf təcrübəsi və texnologiyalarının tərəfdaş ölkələrlə paylaşılmasını təmin etməkdir. KOICA fəaliyyətini qrant yardımları, texniki əməkdaşlıq, təlim və təcrübə mübadiləsi, ekspert dəstəyi və inkişaf layihələrinin həyata keçirilməsi vasitəsilə reallaşdırır.

AKİA ilə əməkdaşlıq: KOICA ilə əməkdaşlıq çərçivəsində AKİA-nın layihə idarəetmə və monitorinq potensialının gücləndirilməsi, ağıllı kənd təsərrüfatı, iqlimə davamlı aqrar sistemlər və kənd təsərrüfatının maliyyələşdirilməsi istiqamətlərində bir sıra layihə təklifləri hazırlanmışdır. Bu çərçivədə AKİA tərəfindən “Layihənin idarə edilməsi və izlənilməsi sistemi” adlı layihə təklifi NIPA-nın “Dünya Dostları Koreya Məsləhətçi Proqramı” çərçivəsində təsdiq edilmişdir. Həmçinin, KOICA ilə əməkdaşlıq çərçivəsində beynəlxalq təcrübə və bilik mübadiləsinin təşviqi məqsədilə “Ağıllı ferma kənd təsərrüfatı mütəxəssisləri üçün bacarıqların artırılması” adlı təlim proqramında AKİA nümayəndələrinin iştirakı təmin edilmişdir.